Финн калык кырӟанъёсты кырӟалом удмурт кылын! :)

Туннэ ми Нико Партанэнэн кык финн кырӟанъёсты удмурт кылэ берыктӥм. Соосты ми котькуд мероприятиосын кырӟаллям, финнъёс лыктыку но уно мытылӥм. Мыным тунсыко потӥз, кыӵе кылӥськозы та кырӟанъёс удмурт кылын кырӟаса. Пӧрмиз аспӧртэмлыко текст. Вераны кулэ, та финн калык кырӟанъёс шуыса. Туж тунсыко пуштросо но чебер, йӧспортэм гурен. Валтӥсь героиняос кырӟанъёсын йӧнъяськись казак финн нылашъёс, кудъёсыз асьсэос воргоронъёс кадь, дасесь асьсэлы пияш но шедьтыны, котькыӵе шугсекытэз но вормыны.

Милям пӧрмиз таӵе тунсыко берыктэм вариант.

Niko Partanen

«Лыз но горд розаосты киосам нуисько…»  - финн калык кырӟан.

Лыз но горд розаосты киосам нуисько,

киосам нуисько, киосам нуисько.

Лыз но горд розаосты киосам нуисько, киосам нуисько.

Cоосты мон кузьмало пиосын люкиськыкум,

пиосын люкиськыкум, пиосын люкиськыкум.

Соосты мон кузьмало пиосын люкиськыкум, пиосын люкиськыкум.

Сюрес отчы, татчы мынэ, кыкналы люкиське,

кыкналы люкиське, кыкналы люкиське.

Сюрес отчы, татчы мынэ, кыкналы люкиське, кыкналы люкиське.

Огшорга нылаш ук мон йöнo пияшъёслы,

йöнo пияшъёлы, йöнo пияшъёслы.

Огшорга нылаш ук мон йöнo пияшъёслы, йöнo пияшъёслы.

Тон понна öз быдэсмы егит мугоры,

егит мугоры, егит мугоры.

Тон понна öз быдэсмы егит мугоры, егит мугоры.

Кен луыса уг бызьы таӵе гуртады,

таӵе гуртады, таӵе гуртады.

Кен луыса уг бызьы таӵе гуртады, таӵе гуртады.

Мынам но туганэ вань, но татын öвöл со,

но татын öвöл со, но татын öвöл со.

Мынам но туганэ вань, но татын öвöл со, но татын öвöл со.

 Дуно, вуоно картме сюанам адӟоды,

сюанам адӟоды, сюанам адӟоды.

Дуно, вуоно картме сюанам адӟоды, сюанам адӟоды.

«Sinisiä, punasia ruusunkukkia kannan kädessäni…»  - suomalainen kansanlaulu.

Sinisiä, punasia ruusunkukkia kannan kädessäni,
kannan kädessäni, kannan kädessäni.
Sinisiä, punasia ruusunkukkia kannan kädessäni, kannan kädessäni.

Niitä minä annan tämän kylän pojille hyvästejä jättäissäni,
hyvästejä jättäissäni, hyvästejä jättäissäni.
Niitä minä annan tämän kylän pojille hyvästejä jättäissäni, hyvästejä jättäissäni.

Tie vie sinne ja tie vie tänne, tie vie kahtahalle,
tie vie kahtahalle, tie vie kahtahalle.
Tie vie sinne ja tie vie tänne, tie vie kahtahalle, tie vie kahtahalle

Taidanpa olla liian halpa pojalle mahtavalle,
pojalle mahtavalle, pojalle mahtavalle.
Taidanpa olla liian halpa pojalle mahtavalle, pojalle mahtavalle.

Enkä minä sinun takiasi kampaa enkä peilaa,
kampaa enkä peilaa, kampaa enkä peilaa.
Enkä minä sinun takiasi kampaa enkä peilaa, kampaa enkä peilaa.

Enkä minä tälle kylälle miniäksi meinaa,
miniäksi meinaa, miniäksi meinaa.
Enkä minä tälle kylälle miniäksi meinaa, miniäksi meinaa.

On se heila minullakin, vaan ei se ole täällä,
vaan ei se ole täällä, vaan ei se ole täällä.
On se heila minullakin, vaan ei se ole täällä, vaan ei se ole täällä.

Eikä sitä näytetä kuin vihkipallin päällä,

vihkipallin päällä, vihkipallin päällä,

Eikä sitä näytetä kuin vihkipallin päällä, vihkipallin päällä.

«Мииналэн кырӟанэз» - финн калык кырӟан.

Лыз, горд розаос будӥзы гурезь бамалъёсын.

Лыз, горд розаос будӥзы гурезь бамалъёсын.

Таӵе ик пияш но кулэ егит казак ныллы.

Таӵе ик пияш но кулэ егит казак ныллы.

Розаез мон чигтысал но пыд улам лёгасал.

Розаез мон чигтысал но пыд улам лёгасал.

Алдасал но басьтысал мон егит пияшез.

Алдасал но басьтысал мон егит пияшез.

Туганэ арганэн шудӥз, кылзыны мон мынӥ.

Туганэ арганэн шудӥз, кылзыны мон мынӥ.

Арганзэ ми палэнтӥм но öдъям чупаськыны.

Арганзэ ми палэнтӥм но öдъям чупаськыны.

Мон таӵе пичи нылаш, скрипкалэн сиез кадь.

Мон таӵе пичи нылаш, скрипкалэн сиез кадь.

Урам кузя васькисько ке, пияшъёс синмасько.

Урам кузя васькисько ке, пияшъёс синмасько.

Тон сётӥд одӥг манет, мон — одӥг копейка.

Тон сётӥд одӥг манет, мон — одӥг копейка.

Мыным сюриз мамык валес, тон кадлы ӟус кылиз.

Мыным сюриз мамык валес, тон кадлы ӟус кылиз.

Умоен песянай сёт мусо, чебер пидэ.

Умоен песянай сёт мусо, чебер пидэ.

Одно ик басьто ук пидэ, уз луы ни нылпи.

Одно ик басьто ук пидэ, уз луы ни нылпи.

Тылпу сямен яратон сюлэмамы ӝуа,

Тылпу сямен яратон сюлэмамы ӝуа

Нуназе — улонамы, уйин — вöтъёсамы,

Нуназе — улонамы, уйин — вöтъёсамы.

«Miinan laulu» - suomalainen kansanlaulu.

Sinisiä punasia ruusunkukkia kasvoi kalliolla,

Sinisiä punasia ruusunkukkia kasvoi kalliolla
Samanlainen riiari pittäis nuorella tytöllä olla,

Samanlainen riiari pittäis nuorella tytöllä olla.

No voi jos saisin ruusunkukan maahan tallatuksi,

No voi jos saisin ruusunkukan maahan tallatuksi
Voi jos saisin nätin pojan viereeni narratuksi,

Voi jos saisin nätin pojan viereeni narratuksi.

Heilani soitteli haitaripeliä ja minä menin kuuntelemmaan,

Heilani soitteli haitaripeliä ja minä menin kuuntelemmaan

Haitari pantiin piirongin piälle ja ruvettiin suutelemmaan,

Haitari pantiin piirongin piälle ja ruvettiin suutelemmaan.

Minäpä se olen se pikkanen likka ja olen kuin viulun kieli,

Minäpä se olen se pikkanen likka ja olen kuin viulun kieli.
Kun minä maantietä kävelen niin poikien tekkee mieli,

Kun minä maantietä kävelen niin poikien tekkee mieli.

Voi sie hullu ku markan maksoit ja mie sain kopeekalla,

Voi sie hullu ku markan maksoit ja mie sain kopeekalla
Mie sain sängyssä viltin alla ja sie sait lattialla,

 Mie sain sängyssä viltin alla ja sie sait lattialla.

Anna akka se koria poika ja anna se sovinnolla,

Anna akka se koria poika ja anna se sovinnolla
Otahan minä sen kuitenkin enkä anna poekana olla,

Otaha minä sen kuitenkin enkä anna poekana olla.

Rakkaus se meissä palaa kuin öljy pumpulissa,

Rakkaus se meissä palaa kuin öljy pumpulissa
Päivällä hengen heiluvissa ja yöllä unelmissa,

Päivällä hengen heiluvissa ja yöllä unelmissa.

«Азвесь уйе вордӥськем кырӟан»

Чебер нимо мероприятие «Эзысь войын чужис сьылан» («Песня рождённая в ночь серебра») туннэ ортчиз коми культура центырын. Та тунсыко проект куатетӥзэ ортче ни. Проект сӥземын авторской коми кырӟанъёслы, кудъёсыз пӧртэм вакытъёсы туж популярной луизы, но али ке но ӧз ыштэ тунсыклыксэс туала эстрадаын но калык пӧлын.  Таяз проектын тодматскон ортчиз куинь коми кырӟанъёсын: «Вöлi шоныд гажа тулыс» (Биа Öгыр (Яков Чупров)), «Тöдса пилот» (Василий Власов), «Коми танго» (Василий Чувьюров).

Вераськизы кырӟанлэн авторъёссы сярысь: соослэн сямзы, тунсыкъяськемъёссы, улонзы сярысь. Кӧня ке видеороликъёс возьматэмын вал. Кырӟанъёслэн кылдэмзы но калык пӧлын улонзы сярысь тунсыко малпанъёсынызы люкиськизы мероприятие лыктэм муртъёс. Котькуд мурт вераз кырӟанэн тодматскемез, мылкыдъёсыз сярысь. Куд-огез кырӟаз но.
Татын ик кырӟанъёсты кырӟазы туала егит артистъёс. Аспӧртэмлыко но туж тунсыко вал кылзыны, макем воштӥське но туала улонлы тупатске кемаласен тодмо кырӟан.

                                                                           ***

Мон малпамъя, таӵе проект туж тунсыко луэ. Таӵе проектын тодматскыны луэ кырӟанлэн автръёсыныз но пӧртэм вакытъёсы кырӟанэз кырӟасьёсын. Озьы ик кырӟанъёсты тодӥсьтэм егит калыкъёслы умойгес амал луоз тодматскыны удмурт яке коми кырӟанъёсын. Туж умой луысал, та выллем проект Удмуртиын но ортчылысалыз ке. Кылсярысь, туж тунсыко тодматскыны «Ой, тӥ чебер нылъёс» кырӟанэн но солэн авторъёсыныз, кудӥз туж популярной удмуртъёс пӧлын. Со сяна мукет калыкъёслэсь но сюлэмъёссэс вырӟытӥз. Кырӟанлэн вордсконэз но историез, манам малпамея, туж тунсыко котькуд адямилы. Азьланяз, малпасько, таӵе ӝытэз ортчытон бордын кулэ малпаськыны милемлы но – удмуртъёслы! Асьме удмурт эстрада паськыт но узыр, соин трос тунсыко кырӟанъёсмы но вань, кудъёсыныз тунсыко луысал тодматскон ӝытъёс ортчытыны. Адӟем кароно коми бӧлякъёсмылэсь. J

Та борды басьтӥськыны быгатысалзы УМОО «Шунды»-ысь егит удмуртъёс. Удмурт эшъёс, кызьы малпаськоды? Тунсыко проект луыны кулэ ук?

Удмурт калык «Огпол ке но…» кырӟан табере куинь кылын чузъяськоз: удмурт, поляк но испан

МИРЕЛА МАЗУР

Бадӟым тау кылъёсын вазиськеме потэ Мирела Мазурлы, дуно но яратоно выль эшелы. Та мусо егит нылаш лыктӥз Удмуртие ӟуч кыл дышетыны но удмурт кылэн, удмурт калыкен но лулчеберетэныз туж юн тунсыкъяське. Удмурт кыллы сое дышетэ удмуртомем котькуд удмуртлы тодмо Петыр Палган. Тау, Петя, удмурт кылын вераськись калыклэсь лыдзэс йылытэмед понна!
Мирелалы, кызьы со мыным вераз, туж сюлмаз пыриз «Огпол ке но…» кырӟанэ, кудзэ «Чипчирган» но «Быдӟым крезь» ансамбльёсын ӵош гожтӥмы вал. Мылкыдыз ӝутскыса, поляк нылаш та кырӟанэз поляк но испан кылэ берыктӥз. Туж шумпотисько сыӵе дуно эшъёсы вань шуыса.

ПЕТЫР ПАЛГАН

Кырӟан сярысь вераны ке, та кырӟанэз мон шедьтӥ 1980 арын магнитофонной лентае гожтэм кассетаысь. Та кырӟанэз кырӟаз мынам, али улонысь кошкем, яратоно нэнэе – Анисимова Марфа Максимовна. Солы но бадӟым тау шуэме потэ сыӵе дуно но чебер кузьым кузьмамез понна. Гуртамы та кырӟанэз тодо «Ёмка Марпалэн гурез» шуыса.
Та кырӟанэн 2008 арын мон пыриськи вал «Молодые голоса 2008. Музыка в стиле этно» ӵошатсконэ, кытын кыкетӥ интые потӥ.
Ваньмыз вылӥын верам понна «Огпол ке но …» кырӟан мыным туж дуно луэ.

«Огпол ке но…» - удмурт кылын 1. Огпол ке но юод али, Куак ултӥ кошкись вуосыз. Огпол ке но малподы али, Анайдылэсь верам кылзэ. 2. Ой, пипу куар, пипу куар но Огине усем пипу куар. Огине усем пипу куар кадь, Туннэ асьмес огиньын. 3. Весь кырӟасал, весь верасал, Шулдыръяськыса улысал. Ас яратон эшъёсыным Весь огиньын улысал. МЫНАМ НЭНЭЕ - АНИСИМОВА МАРФА МАКСИМОВНА

"Jeśli choć raz" - поляк кылын

Jeśli choć raz napijesz się
Z płynącego zagajnikiem strumyka,
Jeśli choć raz wspomnisz
Matczyne słowa.

Och, osinowy liściu, osinowy liściu.
Opadły osionowe liście.
Jak te opadnięte osinowe liście
Tak i my dziś zebraliśmy się.

Mógłbym zawsze śpiewać,
Mógłbym wieść wesołe życie,
Mógłbym z najdroższymi mi przyjaciółmi

Całe życie spędzić bez rozłąki.

МОЛОДЫЕ ГОЛОСА 2008. МУЗЫКА В СТИЛЕ ЭТНО.

"Si alguna vez..." -  испан кылын

Si alguna vez bebieras del arroyo
Corriendo susurrante por las praderas,
Si alguna vez recordaras las palabras
Que un día pronunció tu madre.

Oh, hojas de álamo.
Han caído las hojas de álamo.
Y tal como las hojas de álamo
Nos reunimos nosotros hoy.

Querría siempre hablar y cantar,
Querría siempre vivir la buena vida,
Y siempre querría estar
Junto a mis queridos amigos.

«Вордӥськем Выль Тӥгырмен гуртэ толон, туннэ но ӵуказе!»: данъяськон но кайгырон.

Удмурт Элькунлэн лымшор палаз Кияса ёрос интыяськемын. Та ёрослэн тужгес но шулдыр интыяз пуксемын Выль Тӥгырмен (Дубровский) гурт. Котыраз сяськаё возьёс, узыё-борыё гурезь бамалъёс, нюлэсъёс, паськытэсь шепаськись бусыос…

Нош ку-о меда кылдэм та чебер гурт? Выль Тӥгырменлэн кылдэмез сярысь вань туж чебер мадёс. Та мадёсэз пересьёсмы вашкала дырысен пельысь-пеле, ымысь-ыме возьыса, асьме вакытозь вуттӥзы. Тазьы кутско вал мадьыны пересьёсмы вашкала мадёссэс:

Вукогурезь йылысен

«Вашкала вакытъёсы со вал. Вужгуртӥсь[1]  куинь удмурт воргоронъёс умой музъем утчаны потӥллям. Нырысь ик соос вуиллям Лутокине[2], собере – Мало Киясовое[3], отӥсен Эльдыбай[4] бусыетӥ Миёл шур дуре васькиллям. Кема мыныса-мыныса, соос жадизы, ялкарыны[5] пуксизы. Котырак учкизы но – котыр дуннелы паймизы. Татын кадь, нокытын но таӵе ӝужытэсь, юнэсь но трос тыпыос ӧвӧл, дыр. Нош возь кыӵе шулдыр! Кема синмаськыса учкиз Эркемей нимо пиосмурт та инкуазь шоры. Пумен ӝыт но вуиз. Воргоронъёс изьыны выдӥзы. Ӵукна султыса, Миёл шур доры пыласькыны васькизы. Кытӥсь ке но шур кузя вӧлдӥськыса, атас чоръям куара кылӥськиз. Воргоронъёс, кытын ке гурт вань шуыса, туж шумпотӥзы. Со куара пала дырттӥзы.

Эркемей огназ та интые кылиз, нош кыкез эшъёсыз макем паймизы, куке берен  Вуж Тӥгырменэ вуизы…

Вашкала дырӥсен ини адями вулы матэ интыяське. Эркемей агай но аслыз корка пуктэм ошмесысь васькись пичи гинэ шур дуре. Табере со пичи шурез Эркемей шур шуиськомы ни. Татын со аслэсьтыз юн выжызэ лэзиз. Озьы кылдӥз Выль Тӥгырмен гурт».

Выль Тӥгырмен гуртэз вить пӧртэм нимало. Та гурт Выль Тӥгырмен, Дубровский, Бламбей, Гребени, Починка нимъёсыныз тодмо луэ на. Нош та ласянь пересьёсмы тазьы веразы:

Изгурезь йылысен

«Вужгуртын¹ бай бигер пиосмурт улэ вылэм. Одӥг пол, пе, кыччы ке мыныкуз солэсь юаллям, кыччы мынӥськод шуыса. Со тэгерманэ мынӥсько шуэм. Бигер сямен тэгерман – со вуко шуэм луэ. Удмуртъёс ас сяменызы валаллям та кылэз но Вужгуртэз со дырӥсен Тӥгырмен ниманы кучкиллям. Нош та гуртмы Вуж Тӥгырменӥсь яна потыса кылдэмын бере, та гуртмес но Виль Тӥгырмен ниманы кучкиллям инь.

Кыкетӥ нимыз гуртмылэн Дубровский. Таӵе ним сётӥллям гуртмы котырись азьвыл аръёсы трос тыпыос будэмен. Азьло, пе, туж трос тыпыос будо вылэм, нош берло ини соосты кораса быдтӥзы.

Нош бигеръёс гуртмес воксё но Бламбей шуо. Вашкала дыръёсы ведь нюлэсъёс но пӧйшуроесь вал. Гурт котырись нюлэсъёсамы бигеръёс, пе, ӵем пӧйшурало вылэм. Та нюлэсъёсын койыкъёс трос улӥллям. Нош койыкез бигеръёс бламб шуо. Тани та бордӥсь кылдӥз гуртмылэн таиз нимыз.

Гребени, бон, ӟучъёс шуо ини. Гуртӥсь урамъёсмы йырсынлы кельшо, пе. Соин тӥни ӟучъёс гуртмес Гребени шуо.
Починка, бон, вужгуртъёс шуо гуртмес. Асьме гурт Вужгуртӥсь яна потыса пуксемын бере.
Вот сыӵе тӥни гуртмы нимъёслы бай».

Та тополь во:зын азьвыл быдз:ым куала вылэм.

Та удмурт гурт туж ик бадӟым ӧвӧл, огъя куать урамъем. Нырысетӥез урам кылдэмын татчы Эркемей интыяськыку. Та пумысен пӧртэм веранъёс вань. Кин ке шуэ 1826 арын кылдэмын, нош кин ке  - 1828 арын. Та урамез гуртоос Кузь урам яке Ваннапал шуо. Официальной нимыз – улица Советская. Мукетыз  урам 1908 арын кылдэм –  Сидор урам[6]. Нырысь ик та ураме аслыз корка пуктэм Эльдыбайысь⁴ лыктэм ӟуч узыр воргорон – Шадрин Никанор. Нош Пислег урамлэн[7] кылдэмез герӟаськемын Прошка нимо воргоронэн. 1928 арын со татчы пуктэм аслыз юрт. Али чебересь коркаос синмез туж шумпотто. 1930 арын кылдӥз Пекеля урам. Нырысетӥ вамышсэ татчы Огафья апай лэсьтэм. Кема аръёс ӵоже Пекеля ураммы пал дур улэм. Буш палаз пилорама, курег гид, кебить, мастерской интыяськиллям. Быдӟым атыкай ож бере Пислег Ладимер (Атеев Владимир) улыны потэм та ураме. Со возы мукетъёсыз семьяос интыяськиллям. Озьы кылдӥз урамлэн 2 чурез. Та урамез ӟуч сямен Лесная шуо (Нюлэслы матын интыяськеменыз). 1956 арын кылдӥз Виль урам[8]. 1999 арын Гараж урам[9]. Азьло та урамез Вова урам шуо вал, малы ке шуоно нырысьсэ татчы улыны потӥз вал Вова нимо егит воргорон. Нош али та урамез Беспалов шуыса нимазы. Гуртысьтымы Беспалов Вениамин Тимофеевичлы сӥзьыса. Службазэ Афган музъем вылын нуиз. Отын туж зол сӧсырмыса бырыны шедиз.  Кулэм бераз пусъемын вал горд кизили орденэн. Беспалов В.Т. ватэмын та гуртын ик.

Зор бере

Таӵе тани Выль Тӥгырмен. Гурт пичи ке но, гурт калык татын сюлмо, ужась, кырӟась но капчи мылкыдо. Котькыӵе ужез дэмен быдэсто. Нош Выль Тӥгырмен но гурт  котырысь инкуазь чебереныз но йӧно калыкеныз лыктэм куноосты паймытэмысь али ке но уг дугдо.

***

Пичи гинэ Тӥгырмен гуртмы, нош кӧня сое данъязы асьсэлэн кылбуръёсазы гуртысьтымы кылбурчиос – Геннадий Михайлович Камашев «Мынам шудбуре» кылбур бичетаз, дырызлэсь вазь улонысь кошкем Алена Игоревна Никонова, Валентина Геннадьевна Куликова аслаз кылбуръёсаз. Нош Николай Анисимовлэн кылбуръёсыз «Ненаглядная сторона» кылбур бичетэ пыртэмын. Соослэсь аӟдем каро егит кылбурчиосмы – Шапеева Ольга, Анисимова Татьяна.

Маскара-каскара футбол

Гуртысьтымы потӥзы трос дано но тодмо адямиос. Ми данъяськиськом «Италмас» ансамбльысь Людмила Михайловна Камашеваен, Удмурт кун университетысь дышетӥсен Дмитрий Анатольевич Ефремовен, культура удысын ужась кузпалъёсын Никоновъёсын, кудъёсыз али Кияса черкогуртын уло, Владимир Геннадьевич Куликовен, кудӥз арганэн шудыны кутске ке, пиналэз но, пересез но эктытэк уг чида, Светлана Артемьевна Замятинаен, кудӥзлы «Почётный гражданин Алнашского района», «Заслуженный работник сельского хозяйства» дано ним сётэмын но мукет трос дано муртъёсын.

Нош али вордӥськем сэреге бертӥськод ке, гуртэ пырыку ик мылкыд куашка ни, син шоры куашкам ферма но склад юртъёс усьыку. Гуртын трос кузётэм буш юртъёс мӧзмыса сыло ни. Урамъёстӥ ортчыку азьвыл кадь пиналъёлэсь куараоссэс уд кылы ни. Котькуд корка вӧзтӥ ортчыкум тодам вайисько кузезэ, кыӵе сямо вал, кыӵе юртъер котырзэ чакла вал, чебер, чылкыт карыны тырше. Нош али…шим-шим…коркаос пересьмем муртъёс кадь нырзэс музэ ошыса, лулӟыло кадь потэ…жаль пото…сюлмы вӧсь луэ. Ма, калык но ӧжыт ни гуртын, трослы кулэсмиз улос. Тросэз егитъёс кошкизы каръёсы, тросэз пересьмыса кулӥзы, нош тужгес но шимесэз но кайгуоезгес – трос сӥле-виро воргоронъёс асьсэды асьсэос быдтӥзы. Оз! Соос юисьёс ӧй вал, гурт калык пӧлын ӟеч сямынызы но ужъёсынызы данъясько вал…МАЛЫ ОЗЬЫ ЛУИЗ? Тае асьсэос гинэ тодо ни. Улэ но улэ вал!…

Ачим но куддыр малпасько, тани мон но туж шумпотыса бертысал вордӥськем гуртам, анай-атай сямен тыршысал. Нош ку малпаськод, тон кенӝем тылы кадь татын ӝог бырод шуыса … нош умой уг луы пушкын. Кытчы питыра Дунне!? Огдырлы гуртэ бертылыку но тыршисько мургес шоканы та омырен, тросгес ӟюзьыны юзмыт ошмес вуэз, ортчыны пичи дыръя шудэм интыостӥ, выльысь но выльысь кырмасько улонысь кемаласен кошкем пересь нэнэелэсь керттэм чулкаоссэ, пӧзьыоссэ... КӦТ УГ ТЫРЫ!!! Сюлэм вирен пазяське, лул шузимымон йыгаське…кайгу пушкез тыре! Вордӥськем гуртэ, эн быр! эн безды дуннелэн чибориё шортдэремаз! Эн люк монэ выжыелэсь!

---

[1] Вужгурт – тазьы нимало Выль Тӥгырмен гуртын улӥсь гуртоос Вуж Тӥгырмен (Калашур – ӟуч сямен (официальной нимыз)) гуртэз, кудӥз та гуртлэсь куинь иськемын гинэ интыяськемын.

[2] Лутокинь – тазьы удмуртъёс ӟуч Лутоха гуртэз нимало.

[3] Мало Киясово – гурт ним.

[4] Эльдыбай - тазьы удмуртъёс ӟуч Ильдибаево гуртэз нимало.

[5] ялкарыны – литер. «шутэтскыны».

[6] Сидор урам – официально улица Красная

[7] Пислег урам - официально улица Центральная

[8] Виль урам - официально улица Гагарина

[9] Гараж урам - официально улица Беспалова

Ожгарысь ивор яке удмурт воргоронлэн быдэсмымтэ малпанъёсыз. Буре ваён.

«Ожгарысь ивор»

Анисимов Григорий Семёновичлэн финн ожысь гожэтъёсыз.

Анисимов Г.С, (Ёмка Гирго)

Та Кияса ёросысь Выль Тӥгырмен гуртысь Анисимов Григорий Семёновичлэн гожтэтъёсыз. Соос гожтэмын 1940 арын Быдӟым атыкай ожгар кутскон вакытэ. Григорий Семёнович 4 гожтэт гожтыса вуттӥз, 2 соос пӧлысь алама возиськемын ини. Уно аръёс ортчыса соос ӵужектэмын но ини, но гожтэм кылъёсаз мур, али ке но сюлмез вырӟытӥсь малпанъёсыз, мылкыдэз кылемын. Гирго агай мынам матысь бӧляке луэ, соин ик мон тырши басьтӥськыны солэсь гожтэм кылъёссэ историе кельтыны, соосты дыр медаз ӵушы шуыса. Одӥг столбике мон гожтӥсько озьы ик, кызьы со  гожтэ гожтэтаз, нош мукетаз туала удмурт кылын.

Та куинь сэрго гожтэтъёс. Вылазы таӵе адрес гожтэмын: №1 гожтэт « УАССр Киясовского раиона Лутошинскои с/совет д. Дубров Анисимову Семену Дементьевичу от А.Г.С»; №2 гожтэт «… Лутохинскои с/совет д. Дубров Анисимову Екатярине федоротне»;
№3 но №4 гожтэтъёсын адрес ӧвӧл гожтэмын [соос нимаз куинь сэрго гожэтын вал, дыр]

Оригинал	Обработка
№1 гожтэт: « Гожтэт гожяско 1940 (…) Анисимов григореи семенович (…) мон мыниско западе. али та- (…) –тетез Гожяско город казаньын. –ком стансин ми потимы город можгала  27 январа милемыз дисязы город можгалан ми отын улим 4 нунал милемыл сётизы винтовки и [дися] сотизы 1 шынель 1 одиг куфаика 3 дерем 2 шаравар. 2 шуныт дерем мыниском вужгуртис кузмаен и асме Настален картеныз Иванен  да дядяи мыниско леся воинае тареаз. Ну тареаз салам вераско ваньдлы и вот Катя тон баибатров алексанез кос докумен бастыны мнам дшетискем понам солы сере трудоднен отмечат  кароз. у пока веран бриз салам вераско вандл пока номыр уг ни гожян и али вот мон тиледл гожян (…) татын шувса (…) ми станции (…)»	№1 гожтэт: « Гожтэт гожъясько 1940 (…) Анисимов Григорий Семёнович (…) мон шундыпуксён пала (западэ) мынӥсько. Али та- (…) – тэтэз гожъясько Казань карын. – ком станциын ми потӥмы Можга каре. 27 толшоре милемыз Можга карын дӥсязы. Отын ми 4 нунал улӥмы. Милемлы винтовка но дӥськут сётӥзы. Сётӥзы 1 шинель, 1 фуфайка, 3 дэрем, 2 шаровар, 2 шуныт дэрем. Мынӥськомы Вужгуртысь Кузьмаен но асьме Насьтялэн картэныз – Иванэн. Да, дядяй, таяз войнае мынӥськомы, лэся. Ваньдылы салам верасько. Тон Катя, Байбатров Олексанэз документ басьтыны кос, мынам дышетскеме понна со трудодень отмечать кароз. Озьыен веранэ быриз. Ваньдылы салам верасько. Пока номыр уг гожъя ни али. Мон тӥледлы гожъяны (…) татын шуыса (…) ми станцие (…)»
№2 гожтэт: « Гожтет Гожяско 1940 а 4 февраль да дядяи ненеи и Катя мон верало мынеме мон мыниско али та гожтетез Гожяско Город Ленинградын ми татын слиском ини 2 сутка и ум тодиске незнаи татсы дугдом незнаи  эшо дальше мыном (…) овол (…) туне татын минчо приском альи да дядяи тон ветлемед и пиёслдно придотса ветлны Катя ненеи и дядяи туж эн брде иньмарлен кужымыз базын дральи ветло берто оло. можит  азло ваиник ти можит уидес уд изиске др малпаса туж эн кагре мон одигно уг кагриск монгне овол татын ми туж трос татыны да каритон братно кошкиз дрин и пока адрес тодмо овол альи гожяско вагонын вот дядяи тон альексанл уксо сот 10 манет эшо верало Катя тон ольексанез кос мнам дшетискемлы докумен мед куроз шушегис [мушегис] и солы трудодне отмечит кароз. ну пока веран бриз туж салам вераско ваньдл пока мыниском Кузмаен  и Иванен огазын одиг вагонын ну пока веран бриз туж салам вераско и Катял тныд нимад салам вераско писал Анисимов Григореи Семенович»	№2 гожтэт: « Гожтэт гожтӥсько 1940 арын 4 тулыспалэ. Дядяй, нэнэй но Катя мынонме мон мынӥсько али. Та гожтэтэз гожтӥсько Ленинград карын. Татын 2 сутка сылӥськом ини но ум тодӥське татчы-а дугдомы яке эшо мыномы на (…) ӧвӧл (…) Татын туннэ мунчо пыриськомы али. Да, дядяй, тон ветлэмед, пиёсыдлы но ветлыны кулэ луоз. Катя, нэнэй но дядяй туж эн бӧрдэ. Инмарлэн кужымез бадӟым, дыр, али  ветло но, оло, берто али. Может азьло [ваиник] тӥ уйдэс но уд изиське, дыр. Малпаса туж эн кайгыре, мон одӥг но уг кайгыриськы. Мон гинэ татын ӧвӧл ми туж трос татын. Каритон (Харитон) брат но кошкиз, дыр, ини. Али адрес тодмо ӧвӧл на. Гожъясько вагонын. Дядяй, Олексанлы тон 10 манет уксё сёт. Эшо верало, Катя, тон Олексанэз кос мынам дышетскемелы документ мед куроз Шушегысь (яке Мушегысь) но солы трудодень отметить карозы. Ну пока веранэ быриз, туж салам верасько ваньдылы. Али Кузьмаен но Иванэн огазьын одӥг вагонын мынӥськом. Озьыен веранэ быриз, туж салам верасько, но тыныд Катя нимысьтыз салам верасько. Гожтӥз Анисимов Григорий Семёнович»
№3 гожтэт: « Гожтэт Гожяско 1940 а 11 фе Катя мон тареаз интиям вувини туж салам  вераско да дядяи и ненеи Катя можит берпум гожтетме бастоды мон мниско туне фронте ми фильандилен интияз ини жугискон милемл 200 метр гине просто пу корам кадик дбыр шувса уле да Катя мон тнестыд люкиски леся тареаз туж салам вераско эшо салам вераско тоньялно и братеслно и вес альик калыкл салам вераско ненеи дядяи марл моне вордиды моне вордытоз лемпу садез мерте вал тулыске лувсал люгт сясказе учкса улысалд ти а тареаз вет моне удни азени. аслестыд пельде кзы уд азискы озик моне но удни азини ну туж эн каигре али можит шудеке ванн кльо альи милемыз одигно озни дшетени сразу фронте прто кечено раньзыса ум улиске али Земльанкаын улиском туж кезыт ноктсно прыны уг лув тазы раньзыса ветлытоз луче иньмар эзель мед сотоз ини шувиско мо судонзез туж умои судо и кажнои нунал чукна чарка вина сото пока кузмаен и Иванен огазы улиском али азланьзе мар лувоз уг тодиск ну пока адресмес ум тодиске али незнаи кече лувоз наверно уд тодыдр  туне татн чуказе мукет азын»	№3 гожтэт: « Гожтэт гожтӥсько 1940 арын 11 тулыспалэ. Катя, мон табере интыям вуи ини. Туж салам верасько. Дядяй, нэнэй но Катя берпум гожтэтме басьтоды,дыр, мон  туннэ мынӥсько. Ми Финнляндиын ини, жугиськон ми дорозь 200 метр гинэ. Пу корам кадь ик, дыбыр шуыса улэ. Да Катя, табере мон тынэсьтыд люкиськи, лэся. Туж салам верасько, эшо салам верасько Тонялы но братъёсылы (агай-вынъёсылы) но весьвань калыклы салам верасько. Нэнэй, дядяй марлы монэ вордӥды? Монэ вордытозь льӧмпу садэз мерттэ вал. Тулыс вуысал но югыт сяськаоссэ тӥ учкысалды , нош табере монэ уд адӟе ни ведь. Кызьы аслэсьтыд пельдэ уд адӟиськы, озьы ик монэ но уд ни адӟы ни. Туж эн кайгыре али, шудэ ке вань яке улэп кылё али.  Милемыз одӥг но ӧз ни дышетэ, соку ик фронтэ пырто ини. Кыӵе но раньӟыса ум улӥське. Землянкаын улӥськомы, туж кезьыт нокытчы но пырыны уг луы, тазьы раньӟыса ветлытозь Инмар эзельзэ мед сётоз ини шуисько. Сюдонзэ туж умой сюдо но котькуд нунал ӵукна чарка вина сёто. Кузьмаен но Иванэн огазьын улӥськом али. Азьланяз мар луоз уг тодӥськы. Адресмес ум тодӥське, тодмо ӧвӧл али кыӵе луоз. Уд тоды, дыр, туннэ татын, ӵуказе мукет азьын»
№4 гожтэт: « вот Катя тон туж эн брды мон одигно уг брдиск окпол стер кат ктно но только тончине  туж жаль кльискод ини ну пока (…) жена Екатерина федоротна и отес Семен демен и (гожтэмез валантэм ) писал Анисимов Григоре»	№4 гожтэт: « Вот Катя тон туж эн бӧрды. Мон одӥг но уг бӧрдӥськы. Огпол [ стер кат ктно но только тончине] туж жаль кылиськод ини. Ну пока (…) кышно Екатерина Фёдоровна но атай Семён Дементьевич но (гожтэмез валантэм) гожтӥз Анисимов Григорий»