Вашкала пересьёсмы шуо вал, нырысь лымы усьыку, Иньмарлэсь шудбур, тазалык куроно шуыса. Нырысь лымы – вож нуны кадь чылкыт, нырысь но дуно. Нырысь лымы вылэ яратоно мурт мед синмаськоз шуыса, тунаськись муртъёс пелляськизы. Но со умой ӧвӧл…Яратон ачиз вуыны кулэ, кужмысь адямиез уд яратыты! Но та сярысь вераськон ӧй вал! Котыр улосэз нырысь лымы тӧдь-тӧдь шобыртыку, кызьы верало вал пересьёсмы, Иньмарлэсь курисько вал:
«Остэ, Вылӥсь Иньмаре! Кылчинэ! Куазе! Тау нырысь лымыед понна. Та чылкыт, югыт но чебер лымы кадь, кисьты, сёт вал мыным но мынам бӧлякъёсылы шудбур но тазалык. (Киосыз, бамез лымыен зырано) Остэ, дун, чылкыт лымыен миськы, гылты вань висенъёсме но сьӧлыкъёсме. Остэ, Иньмаре, Кылчинэ, Куазе, озьы мед луоз, озьы мед луоз, озьы мед луоз!».
Таӵе йылол бере вань уродэз одно ик гылтӥськоз кырсь мугорысьтымы. Мон куриськи ни, нош тӥ?
Комментариев нет:
Отправить комментарий