Трос эшъёс юаськизы, кызьы ортчиз Типо" гуртэ ветлэммы. Тани али люкисько мылкыдъёсыным но адземъёсыным! )))
Кызьы азьвыл гожти ни вал, аслаз вордиськем палъёсаз милемыз отиз "Коми войтыр" огазеяськлэн тороез Габов Сергей Иванович. Сыктывкарысен Типо" гуртозь 150 иськем пала, мыним 2 но жыны час пала. Мынонъямы машина укно пыр адзим Коми шаерлэсь чебересь гуртъёссэ, возьёссэ но нюлэсъёссэ, нюлэсъёссэ....Коми музъем нюлэсъёсын туж бай угось. Паромти потыса, вуиз Типо" гуртэ. Вераны кулэ татын (Коми Республикаын) туж паськытэсь но чебересь шуръёссы. Милям Удмуртиын сыче шуръёс ожыт.
Гуртэ пырыса ик, мон соку ик чаклай коми калыклэн улон коркаоссы туж бадзым шуыса. Соослэн архитектуразы туж тунсыко. Жыны липет улын улон корка, нош мукет палаз турын чиг но пудо гид. Соослэн удмуртъёслэн кадь заборъёссы овол. Урамъёссы но урам кадь овол. Котькуд корка отын яке татын сылэ. Пасьтана сыло. Но гуртсы туж чебер интые, паскыт шур дуре, гурезь йылэ интыяськемын.
Но...тани ми Сергей Ивановичлэн юртаз вуим, пырим. Чай юим, марам но табере нюлэскы мыном, пе, пойшурасьлэн сюрестиз ветлом. Капканъёссы чаклалом. Мыном ке мыном. Пусйыны кулэ, комиослэн туннэ нуналозь зеч возиське пойшуран сям. Тани Габовъёслэн вань асьсэлэн пойшуран сюрессы, кыти мукет пойшурась уг ветлы. Милемыз Сергей (тазьы сое нималомы ни, ми солы озьы гинэ вазиськиськом бере) нуиз, кызьы со шуиз вакчи сюрести. Со вакчи сюрес 7 иськем пала вал. Но нюлэскы пырим гинэ но - паймимы. Макем чебер но чылкыт нюлэссы. Собере ини Сергей милемыз тодматиз портэм капканъёсын, кудъёсыз портэм луо нимаз пойшурлы. Мыним, мыним...капканъёсты чаклам. Асьмеос но капканъёсты тупатъям. Туж тунсыко марке вал. Та туж умой этнотуристический сюрес быгатэ луыны. Сергей шуиз та пумысен малпаськонъёс вань шуыса. Мон малпамъя но та туж тунсыко луысал, кызьы асьсэлы комиослы озьы ик мукет калыкъёслы но.
Нюлэскысь вуэм бере миньчое мынимы. Туж умой вал миньчо салкым нюлэс бере. Нош жыт милемыз сяла силен шыд возьмаз ни. Нырысьсэ сии сиён, кудиз пойшур сильлэсь вал. Туж ческыт вал шыд, тачезэ тиледлы но эшъёс дэмласько веръяны. :)
Эшшо жытсэ клубазы потим на. Гуртысьтызы ансамблен тодматским. Туж чебер коми кырзанъёс кырзазы, чай сектазы. Нош ми но бере ом кыле - мон удмурт кырзан кырзай, нош фин Нико фин кырзанъёс.
трос вераны луысал на, но ваньзэ уг вера ни юромо. Асьтэлэн но лыктэмды мед потоз! ;)
Кызьы азьвыл гожти ни вал, аслаз вордиськем палъёсаз милемыз отиз "Коми войтыр" огазеяськлэн тороез Габов Сергей Иванович. Сыктывкарысен Типо" гуртозь 150 иськем пала, мыним 2 но жыны час пала. Мынонъямы машина укно пыр адзим Коми шаерлэсь чебересь гуртъёссэ, возьёссэ но нюлэсъёссэ, нюлэсъёссэ....Коми музъем нюлэсъёсын туж бай угось. Паромти потыса, вуиз Типо" гуртэ. Вераны кулэ татын (Коми Республикаын) туж паськытэсь но чебересь шуръёссы. Милям Удмуртиын сыче шуръёс ожыт. Гуртэ пырыса ик, мон соку ик чаклай коми калыклэн улон коркаоссы туж бадзым шуыса. Соослэн архитектуразы туж тунсыко. Жыны липет улын улон корка, нош мукет палаз турын чиг но пудо гид. Соослэн удмуртъёслэн кадь заборъёссы овол. Урамъёссы но урам кадь овол. Котькуд корка отын яке татын сылэ. Пасьтана сыло. Но гуртсы туж чебер интые, паскыт шур дуре, гурезь йылэ интыяськемын.
Но...тани ми Сергей Ивановичлэн юртаз вуим, пырим. Чай юим, марам но табере нюлэскы мыном, пе, пойшурасьлэн сюрестиз ветлом. Капканъёссы чаклалом. Мыном ке мыном. Пусйыны кулэ, комиослэн туннэ нуналозь зеч возиське пойшуран сям. Тани Габовъёслэн вань асьсэлэн пойшуран сюрессы, кыти мукет пойшурась уг ветлы. Милемыз Сергей (тазьы сое нималомы ни, ми солы озьы гинэ вазиськиськом бере) нуиз, кызьы со шуиз вакчи сюрести. Со вакчи сюрес 7 иськем пала вал. Но нюлэскы пырим гинэ но - паймимы. Макем чебер но чылкыт нюлэссы. Собере ини Сергей милемыз тодматиз портэм капканъёсын, кудъёсыз портэм луо нимаз пойшурлы. Мыним, мыним...капканъёсты чаклам. Асьмеос но капканъёсты тупатъям. Туж тунсыко марке вал. Та туж умой этнотуристический сюрес быгатэ луыны. Сергей шуиз та пумысен малпаськонъёс вань шуыса. Мон малпамъя но та туж тунсыко луысал, кызьы асьсэлы комиослы озьы ик мукет калыкъёслы но.Нюлэскысь вуэм бере миньчое мынимы. Туж умой вал миньчо салкым нюлэс бере. Нош жыт милемыз сяла силен шыд возьмаз ни. Нырысьсэ сии сиён, кудиз пойшур сильлэсь вал. Туж ческыт вал шыд, тачезэ тиледлы но эшъёс дэмласько веръяны. :)
Эшшо жытсэ клубазы потим на. Гуртысьтызы ансамблен тодматским. Туж чебер коми кырзанъёс кырзазы, чай сектазы. Нош ми но бере ом кыле - мон удмурт кырзан кырзай, нош фин Нико фин кырзанъёс.
Комментариев нет:
Отправить комментарий