Эшъёс, туннэ мон ти понна, дасяй пичияк тест. Татын ваньмыз юанъёс герзаськемын удмурт кышномуртлэн улонэныз. Озьыен, чаклалом макем тиляд узыр та йылысь тодон-валанды. Комментариосы ответъёстэс гожтэлэ, нош мон борысь шонер вариантъёсты шараяло.
Вуоноез тест луоз удмурт воргоронлэн улонэныз герзаськем юанъёс. ;)
Вуоноез тест луоз удмурт воргоронлэн улонэныз герзаськем юанъёс. ;)
1. Кызьы удмуртъёс нимало кухняез, кытын кышномурт пӧраське но тросгес дырзэ ортчытэ?
А) кухня;
Б) сиськонни;
В) кышнопал;
Г) кенос.
2. Кытын удмурт анайёс сьӧразы нулло вал нылпиоссэс?
А) уробо;
Б) ныпъет;
В) гыррккес;
Г) дӧдьы.
3. Мар та? Сое, котырес карыса, дэралэсь яке басмалэсь лэсьто вал, векчи азвесь коньдонэн, гырпинен, бурчин тугъёсын но тасмаосын, бурлатэн чебермало. Изьыяське со пырак йырпыдэс вылазы.
А) айшон;
Б) сюлык;
В) изьы;
Г) такъя.
4. Кызьы кулэ вал бызем кышномурт картэзлэн атаезлы вазиськыны?
А) нимызъя;
Б) атайзы;
В) нимтулызъя;
Г) атай.
5. Кыӵе сиён одно ик кисьтонлы пӧрало?
А) шаньга;
Б) перепеч;
В) куасамнянь (пирожки);
Г) шекера.
6. Кызьы удмуртъёс нимало воргоронлэн кышноезлэсь сузэрзэ яке кыкетӥ кышнозэ?
А) бултыр;
Б) кудо;
В) туклячи;
Г) ичимень.
7. Кыӵе кырӟан кырӟало сюанлэн кыкетӥ нуналаз бызем ныллэн бӧлякъёсыз картэзлэн коркаяз?
А) сюан гур;
Б) ныл куран гур;
В) ярашон/ бӧрысь гур;
Г) тупан гур.
8. Кытын кышномуртъёс азьло ӵемгес нылпи вордо вал?
А) мунчоын;
Б) коркаын;
В) кеносын;
Г) эмюртын.
9. Кыӵе гужем ортчись йылол дыръя, егит нылъёс сюан гуръёсты кырӟаса бусыосы яке возьёсы пото вал?
А) ю-вӧсь вӧсян;
Б) куриськон;
В) бусы/ возь сюан;
Г) гербер.
10. Кыӵе пудоез курбон сёто кышномуртлы йыр-пыд сётон йылол дыръя?
А) вал;
Б) чуньы;
В) скал;
Г) ӵӧж.
11. Кызьы нимаське мӧйы кышномуртлэн йыркышетэз, кудзэ со нылпи ваемысь дугдэм бераз нуллыны кутске?
А) пелькышет;
Б) туго кышет;
В) ӟалык;
Г) айшон.
12. Кыӵе пӧрамез азьвыл Вӧй йылоллы/ Вӧй дырлы трос дасязы?
А) табань;
Б) шекера;
В) кокрок;
Г) шунянь.
13. Кызьы удмурт сямен нимаське творог?
А) йӧлвыл;
Б) кузятэм;
В) йӧлпыд;
Г) шербет.
14. Кыӵе йылол дыръя гурпул шукко но нылпилы киросанай но киросатай пукто?
А) корка туй;
Б) нуны сюан;
В) гурпул шуккон;
Г) кубо нуон.
15. Турнан вакытлэн нырысетӥ нуналаз, куке выль кенез шурын пылато нимаське….?
А) мажес нуон;
Б) кен пылатон;
В) сялтым;
Г) пирдан.
